有從事IA的網友在討論版上留言，慨歎被Auditee留難，遲遲不肯向他提供所需要的資料。由於審計項目的完成期限在即，網友向上司求救，但上司不想去處理，著網友自行解決。
我很明白網友上司的難處，他能做的實在很有限。其實上司只有兩條路可以選，一是找Auditee的上司談談，希望他能推一下Auditee去提供資料。若果連上司也不肯合作，唯有選第二條路，就是上報管理層，甚至直接向Audit committee反映。
由於做IA的不會輕易選第二條，因為後果嚴重，所以第一條便是唯一出路了。但選這條問題也隨之而來。找Auditee的上司嗎？Auditee會覺得IA大石壓死蟹，玩投訴實在欺人太甚。親自找Auditee嗎？其上司可能覺得IA繞過他來對其下屬指指點點，即是不放他在眼內「唔比臉」，不論前者或後者，勢必影響日後的合作關係，就算這次成功拿到資料，下次又怎辦？
所以，IA遇到這些問題，一般來說只會著Auditor用自己的方法，在他的層面去把問題解決。當然，情況嚴重的則除外。
前幾天在報章看到陶傑先生的一篇文章，內裡介紹的一個英文成語「To cross the Rubicon」，就完全道出這情況。成語出處有一段歷史典故，有興趣的請到陶先生的專欄看看，至於成語的意思，就是過了Rubicon這條河，就沒有轉彎的餘地，從此不能再回頭。同一道理，假若沉不住氣向Audit committee投訴，從始要和Auditee保持合作關係就難上加難了。
其實遇到此等情況，不妨試來一招「狐假虎威」，這招我是經常用的。例如可以向Auditee說：「我地既審計報告趕住月尾交比Audit committee。我都知你忙，但係我地交唔到報告，Audit committee實問架嘛，唔通話因為你地唔等閒比唔到資料，所以做唔到個Audit咩？」因為每個審計在開始時，必須得到Auditee的部門主管量過，認為開展審計不會影響運作的，所以Auditee很難可以用「唔得閒」來做借口的。
現在應該知道，為甚麼不論是那個級別，從事IA的，都必需具備良好的人際關係技巧吧。
&&&&&&&&
只能嚇到啲新初級，
回覆刪除啲老屎忽不會驚的！
Audit行內有個term，叫做Level Talk，即係Auditor對比Auditee嘅level，擺杯時最好唔好相差太底，否則Auditee收埋唔答，好多時都吹佢唔漲(例如Audit HR等敏感部門)，坦白講，合理理由唔答Auditor我都隨時可以吹好多出嚟添，小心攞嚟衰！
回覆刪除你提個網友單case屎，個自己大佬都唔睇細嘅，你叫Auditee仲點會睇得佢起？網友單嘢，查實講衰D，抵佢死啦！
又好坦白講，假如真係要即時驚動得Audit Committee嘅Finding，一定係好大好大件事。如果好大件事Auditee都玩野嘅，佢一係傻，一係有d野。如果係後者，點解唔問吓清楚 Director甚至個Board究竟有冇咩其他故仔，先再決定點樣處理呢? 如果個Auditee真係傻嘅，叫Director壓佢都得啦!