記得小時候每當有人問我事情，但我又不知道答案時，我必定會說“I don't know，食鬆糕，又香又甜又發霉（毛）＂。剛剛在網上看到，原來這句話有下聯的，就是“阿婆食左唔會老，阿哥食左變肥佬＂。
小時候學過了很多「童謠」，誰教我的已記不起了，可能是小學的同學吧。除了以上的這首外，現在還記起的有：
大笨象，揸支槍，去打扙，打完扙，番嚟食碗辣椒醬。
童子軍，食雲吞，打爛碗，賠十蚊，冇錢賠，賠碌棍。
河邊有隻羊，羊邊有隻象，象邊有隻馬騮仔，好似你噉樣。
肥佬肥騰騰，買舊豬肉去拜神，行到半路屎忽痕，返到屋企瓜老襯。
氹氹轉，菊花圓，炒米餅，糯米團，阿媽叫我睇龍船，我唔睇，睇雞仔，雞仔大，拎去賣，賣得幾多錢？賣得三百錢。
如有其他，請留言給我好嗎？
&&&&&&&&
> 肥佬肥騰騰，買舊豬肉去拜神，行到半路屎忽痕，返到屋企瓜老襯。
回覆刪除我記得倪匡講過，呢句俾外省人學廣東話效果一流
>>月 光 光 ， 照 地 堂 。 年 卅 晚 ， 摘 檳 榔 。 檳 榔 香 ， 摘 子 薑 。 子 薑 辣 ， 買 蒲 達 （ 苦 瓜 ） 。 蒲 達 苦 ， 買 豬 肚 。 豬 肚 肥 ， 買 牛 皮 。 牛 皮 薄 ， 買 菱 角 。 菱 角 尖 ， 買 馬 鞭 。 馬 鞭 長 ， 頂 屋 樑 。 屋 樑 高 ， 買 張 刀 。 刀 切 菜 ， 買 蘿 蓋 。 籮 蓋 圓 ， 買 隻 船 。 … … 」
回覆刪除無糖,
回覆刪除呢首歌我每次聽都會想起好耐之前一部講殭屍的電視劇,楚原演殭屍既呢~ 好似仲有譚小環, 個陣細個, 又要看又要驚, 後來每次聽到首歌都心寒寒!
Ingrid︰
回覆刪除哈哈！有回憶！
咁俾多首你啦︰
落雨大，水浸街，阿哥擔柴上街賣，阿嫂上街著花鞋，花鞋花襪花腰帶，珍珠蝴蝶兩邊排。
哈哈, 正^^
回覆刪除磨利力，磨利力，借刀殺人頭，由頭斬到尾，由尾斬到頭。
回覆刪除當時是玩包剪dup輸左，比人「芝」的刑罰。
現在想起，點解個歌詞咁鬼恐佈。
菊花，菊花幾時開?
回覆刪除聽日開。
開得幾大朵?
開到天禁大朵。
哈哈,大家d童真番晒嚟喇!
回覆刪除床前明月光，臨考讀天光，試場內睡覺，成績紅噹噹！
回覆刪除落街冇錢買麵包，靠賒我又怕被人鬧 。。。。。！ 寄調“妝台秋思”即是“帝女花”。
the inner space
清明時節雨紛紛，路上行人俾鬼掹，借問香蕉何處有？屎坑浮起一條條。
回覆刪除另一首：
孔明借東風，一借就成功，曹操帶兵走，關公截路口，截到曹操無碇走，走入屎坑口，屎坑有陣風，唔走正龜公！
穿手神拳，如來神掌，霹靂金鉸剪，武林第一劍，六指琴魔，鈎王鬼爪....猜贏你呀。
回覆刪除