多謝年青會計師協會（Young Accountants Association），此文於今天（2010年7月9日）在協會於《信報》的年青有計專欄發表。
－－－－－－－－
誰願給會計師一杯水（作者：Bittermelon）
早前富士康員工的連串跳樓自殺事件引起全世界關注，有人歸咎於廠方缺乏人性化的管理模式，將有血有肉的員工當成沒有感情的機器來看待，加上工時長，追產量，以及對產品質量的嚴格要求，使員工承受很大的壓力。身為會計界的一員，是否對這樣的工作環境似曾相識？
香港的會計從業員一直都飽受工時過長問題的困擾，加班仿佛已成為生活上不可或缺的部分。企業的實務會計如是，會計師行的核數工作更加不在話下。
遇上客戶的財務報告需要趕在死線前完成，連續幾星期通宵達旦留守在客戶或者公司加班不是什麼稀奇事，反而不需要加班時會覺得渾身不自在。
一些較有良心的僱主會感謝員工的辛勞而給予補假，可是更多的僱主卻認為這是員工應有之義而不給予任何補償。會計行內稱這種無償的加班為「食鐘」，顧名思義，即是員工需要犧牲私人時間來工作。
食得鹹魚抵得渴？
富士康的員工因種種壓力而自殺，有人認為既然他們忍受不了，為何不辭職轉工。而每當有人批評會計行內的「食鐘」文化時，也總有人以「食得鹹魚抵得渴」來反駁，認為受不了的大可以辭職不幹另謀高就去也。這種說法除了涼薄以外，也和晉惠帝的金句「何不食肉糜」相同。
明知富士康工作壓力巨大，有員工忍受不了而發生連串自殺慘劇，但每天仍有大批民工在廠外輪候應聘，而現職的員工則願意咬緊牙根默默承受，大家為的只是薪高糧準的福利。
根據報導，其實廠方的薪水不算怎樣高，在慘劇發生之前也只是稍稍高於法定的最低工資水平而已，而糧準更不用說，這是僱主應有的責任，難道這些微末的要求也要員工承受沉重的工作壓力，就算要他們冒上生命來換取也是該當的嗎？
同樣的事情發生在香港的會計業界，明知大型會計師行工作繁重，每天都要加班食鐘過活，但每年仍有大批畢業生對大行的職位趨之若鶩，而現職的會計師們也不知道要強忍到何時，大家為的就只是一個較為理想的職業發展機會罷了，難道吃這一小塊不太鹹的「鹹魚」也要像置身於沙漠當中一樣「抵得渴」，要以平衡的工作生活來換取嗎？
未雨綢繆勝過臨渴掘井
追源溯底，食鐘文化和當今的會計師行運作模式可謂息息相關。現今的合夥人除了要顧及審計工作的質量外，他們還要維持業務上一定的盈利。如果今年的生意額不達標，來年能否安坐在合夥人的位置上也是疑問，加上近年會計準則變換頻繁和審計標準愈收愈緊，相較以前核數工作變得繁重很多，任由員工食鐘就可以舒緩成本上的壓力。可是，利用員工的青春，陪伴家人和朋友的時間，甚至賠上健康來維持盈利，在本質上與血汗工廠又有何分別？
和幾位從事內部審計的行家談起，很多在國內設有廠房的外資企業未有意識到危機，去為類似富士康的慘劇做好預防措施。會計界也一樣，雖然大家都知道食鐘問題的存在，但都沒有認真去解決。
早年曾有大型會計師行推出過一些措施以減少加班，但似乎成效不大。筆者不祈求此文發表以後會對問題有什麼即時的改變，只盼望有朝一日大家意識到問題的嚴重性而去未雨綢繆，早日給會計師們一杯水去解解渴，當有慘劇發生後才去臨渴掘井的話，就為時晚矣。
文章來源： http://hkyaa.blogspot.com/2010/07/bittermelon.html
&&&&&&&&
5 則留言:
苦瓜前輩,
當我睇完你今日篇文章, 我有好深感受, 請容許我用你一部份o既空間, 去講一講我o既街坊意見。
由細到大, 我都覺得讀會計會係一件幾好玩o既事, 可能係因為受到中二班主任o既影響。 佢係一個讀BBA o既老師, 出咗去做咗幾年o野入來教書。 佢話我哋知, 會計係一門好得意o既科目, 就算你只係用一件物件, 每一個人有唔同o既睇法, 而可以話係無一個對錯答案, 只係有一個合適o既答案與否。 會計絶對唔係一門科學, 而係一個對人o既行為, 做出來o既分析加上價值。 用過去o既資料, 去分析而家做成點, 再去用你分析出來o既o野, 去預計將來o既價值。
到咗大學, 因為不材, 所以去咗悉尼主修咗會計。 開始明白到, 哥哥話如果你係為錢去讀呢一科, 你會好辛苦; 但係如果你係真係鐘以用唔同角度諗o野, 會計係一科幾得意o既一科。 當時仲係細, 能力又得, 咁咪去咗讀。
記得到咗大學最後一年, Professor話而家世界難撈, 你唔會再找到一份100%你鐘意o既工。 你要知道你自己係做緊d乜, 唔係一定讀會計要做會計, 而係要找一份你認為你可以學到o野o既工, 唔好諗你一定會賺大錢, 要諗下自己點先可以向工作上找到一份樂趣。 要諗係一份開拓你o既事業, 而唔係一份你坐八個鐘o既工作。
返到香港, 我真係無找有關會計o既工作, 我諗我明白點解咁多大學生想入big 4, 因為我入到big 4, 份cv會靚仔d, 出來個人都smart d。 但係更多人話, 會計呢一行「食鐘」係去到一個病態o既地步, 而且好多人都會話, 妹妹仔, 你諗清楚入呢個苦圈未?
「食鐘」, 我諗唔只會係向會計呢一行係咁, 好多行業都係有呢個情況出現。 苦爪前輩提及到, 究竟一班同行對住「食鐘」文化, 當自己o既身體同家庭都付上代價o既時候, 我哋會諗值得嗎? 未雨綢繆, 我諗唔只係指會計同行, 而係香港o既公司文化， 點去睇「食鐘」呢一回事。 究竟係應份? 定係無必要? 當世界係平o既時候, 我哋又點去為自己定位?
有無入到會計, 都係要面對「食鐘」; 都係要面對你唔做仲有大把人做o既情況出現; 都係要面對點樣向競爭劇烈商人主導o既社會生存。 除咗要識讀書同做o野之外, 都要有解決問題o既頭腦。 人愈來愈大, 愈來愈明白到無人會話你知你個問題o既解決方法, 答案係要自己走出去找!
祝大家安康!
匿名小姐:
好多謝你寫咗呢篇留言比我,會計無對錯,只有合適與否,你呢位老師睇會計呢門"手藝"實在睇得好通透.
食鐘每行都會發生,但係係會計行業就去到一個變態的地步.所以我用富士康嚟借題發揮,寫咗呢篇文.
祝妳工作和生活愉快. Have a nice weekend!
^^
要唔OT做起係mission impossible, 要改變都係mission impossible
香港d會計師唔會咁「蠢」走去跳樓嘅，所以富士康有的變，香港嘅會計師樓嘅生態係冇得變:(
Ebenezer兄,
我既意思唔係指會計師會跳,番看原文發覺我唔記得將"慘劇發生"改成"有事件發生"就將文稿寄出了,哎呀!!!!!
而我所指的事件,可能係罷工,可能係法律訴訟潮等等.
發佈留言