今天是情人節，相信不論是結婚，未緍，蜜運中，失戀中，甚至還未拍拖的，只要你是男士，那十居其七八都會感到苦惱。
苦惱的原因嘛，結了婚，未婚，蜜運中的就要預先想好怎樣去和另一半去慶祝，失戀及未拍拖的就要想好在這觸景傷情的日子要如何去過。
記得失戀的那年，所愛的人不在香港，自己當晚在家聽收音機，那個不識趣的ＤＪ竟播放Richard Marx的「Right Here Waiting」，令我早已平復的心情再起波瀾，平白哭了一場。
現在結了婚，內子早已說天天都是情人節，所以不要花錢去慶祝。可是，千萬不要相信這些連她們也以為自己是這樣想的鬼話。男士要是當天真的甚麼也不做的話，女士們必定會記在心裡，就像一口釘子釘了在籬笆上，就算把釘子拔掉了，釘痕仍會永遠留著，後患無窮啊！
所以，男人的情人節其實是愁人節才對。
&&&&&&&&
12 則留言:
那麼剩下的十之三二獨身主義者們是否正在冷笑世人作繭自綁呢？
1. 都係Jimmy長老專收埋女仔唔介紹來囉!
2. 亦係Jimmy長老教完我追女仔先知咩事,女仔講野真係信唔過(話唔係其實絕對係!),唉如果早識你地兩個專家就好了...
堅認真的，我是不會要求送花（花應該生活於泥土中而不是折下來的）送禮物（要咩嘢，駛乜等到情人節先買？）或燭光晚餐（呢啲日子俾幾倍價錢但質量又唔成正比，唔抵呀！），原先打算在家邊，但今日咁凍又唔想洗碗，於是都係求求其其食啲嘢馬上返歸早啲沖涼上床瞓覺好過！
一個沒有生活情趣的中女字 XD
>> 可是，千萬不要相信這些連她們也以為自己是這樣想的鬼話
不要把每個女人都魔鬼化!! 我和the8的想法很像, 不要在今天送花和吃什麼情人節大餐, 因為太不值得, 而且好老套.
師兄，收到兩位女仕指導未?
在情人節係唔駛對女人特別做d也架，佢地淨係要你氹到佢好鬼開心就夠架喇！
原來你o甘感性, 我呢, 從來對呢d重要日子冇feel~~
對, 無伴的有點寒意
情人節慶唔慶祝?
第一個情人節是可以慶祝一番的，
始終都是寶貴的回憶。
食唔食情人餐，唔重要；
禮物，卻唔少得。
雙方，如果是真心，
當然有情飲水飽都得。
最重要，大家有默契。
豐儉由人。
今天新聞有'天地有正氣',但正生遷校梅窩依然沒有進展!豈有此理!
肥貓姐,the8姐,
我無意魔鬼化女性,其實我講的在情人節要慶祝未必要花很多錢,就我太太而言,只要我當日做番D嘢氹佢就足夠,但問題就是我們都老夫老妻,要每次都有新意,對我來說的確很煩惱...
苦瓜兄:
年年都要有新意？哇，你真係頭都痕埋啊！不過阿嫂可能因為你年年都俾驚喜佢，所以一年一度期望呢個驚喜嘅來臨！
好同意樓上匿名君的一句：
最重要，大家有默契。
豐儉由人。
有些女生真的要人有我有，無示伴侶搵幾多，以打計的鮮花、燭光晚餐、神秘及名貴的禮物缺一不可，如果男方有經濟能力當然沒問題，但我識很多男的平時都已經入不敷支，撞正這一天往往要碌卡渡日。
咦？太長氣添唔好意思打攪晒～！
苦瓜兄,
其實要氹老婆都唔係咁難, 做d你平日少做既事, 一句說話(肉麻d), 一餐你煮既飯(公仔麵都得), 又或者做d手作仔(唔識就去學), 包瓜嫂都會受落, 因為她會知道這是你特地為她而做, 為她花時間花心思, 俾我就感動囉!!
發佈留言