2009年9月24日星期四

會計新手需知:會計業界生態

香港討論區會計版時常都有新手問一些關於入行的問題,新手當中有大學畢業的,有高級文憑畢業的,有LCCI的,也有些是在某個行業工作了一段時間,發覺不合適所以希望轉過來的。最近有位正在修讀會計高級文憑的新手在討論區問前程,他說他的目標很「簡單」,只是希望可以月入萬幾至兩萬幾,工作穩定, 每年可以去兩至三次旅行,可以照顧家人及擁有自己的家(估計是想買樓自住),不介意加班但不要時常,以及可以有自己的生活時間

坦白講,不要說新手,就算從事會計多年的資深人員,可以完全達到這個目標的人,我相信為數不會多,因為這目標在會計這一行來說並不簡單,甚至可以用遙不可及來形容。

按現時的市況,一位剛出道的專業會計師(Qualified Accountant)要月入萬幾至兩萬幾不難,要找一份穩定的工作也不難,但可以每年去兩至三次旅行,又可以不用時常加班,還有自己的生活時間,這就很難了。其實不論是什麼學歷,新手在入行前必需要有一個心理準備,在未來的五至十年將會很艱辛

會計業界主要分兩大範疇,一個是核數,另一是會計。不論是那一個範疇,加班幾乎是我們這一行的指定動作,全行都「上下一心」天天加班,加班再加班。各位一定聽聞過四大會計師行的員工都需要每天加班至深夜,其實各大小會計師行的情況都是一樣。有人意為私人機構情況會好些,但實情相差無幾。曾做過一家上市公司,我們不單要天天加班,有時連周六周日也要回公司工作。公司的下班時間是五時,試過一次自己因為要回校考試六點半離開,次日回公司同事告訴我,老闆問苦瓜為什麼「早走」。加班了個半小時離開也被老闆抱怨早走,我們的情況有幾惡劣可想而知。相反,美國公司就完全不同,每次放工留在公司繼續工作,老闆例必走過來問為什麼,而且還會講一句「Thank you for staying」。香港老闆不單不會向你道謝,而且還認為加班是應有之義(即是老馮),你準時放工就叫早走,認為你的工作態度不對,欠缺工作熱誠。

除了加班,剛畢業的新手為了前途(甚至生存)著想,考取專業會計師資格是少不了的。大學畢業生還可以,只要夠勤力及加上點點運氣,在短期內考取得到會計師資格不是沒有可能的。但如果新手像我一樣出身較差,那就要長期同時應付考試及工作了。在入行的頭幾年,根本沒有私人時間可言,去旅行散心簡直是妄想,有假期都留下來讀書溫書預備考試好了。有新手以為考取了會計師資格就從此自由,但幸福並沒有眷顧我們業界,會計同仁沒有學位的就去補讀一個學位,有學位的就繼續修讀碩士,為的不是要讓自己的名片或者CV好看一些,為的是要增強自己的競爭力,避免太快被淘汰出來。

香港有些中小企不會要求會計人員有什麼學歷,又或者不用會計人員加班,這些的確是上好的工作,但可遇不可求,而且不要忘記,在香港的私營機構當中,沒有一份工作是可以擔保做過世的。見過太多類似的例子,朋友畢業不久進入了這些中小企,得到老闆信任,人工高,福利好,老闆又疏爽,一幹就十幾年,怎料老闆提早退休結束生意,又或者將生意交給子女,朋友被裁了出來,人到中年但又沒有學歷,找工作處處碰壁,情況很是艱難。

寫這篇文章不是想阻止新手入行或者鼓勵轉行,只是提醒各位年輕人,入行前要認真考慮清楚,決定入行就要做好心理準備,在未來的五至十年需要付出很多。會計專業是一條不歸路,進入了以後要走回頭並不容易,不竟人生沒有多少過十年。

--------
下一篇文章:會計新手需知(二):學歷競賽
&&&&&&&&

24 則留言:

若缺齋老人 說...

我向來承認,我係一個怕死既懦夫,唔願為獲得作為會計師既榮光而「一簞食、一瓢飲」仲要搵命搏...所以,作為逃兵我係咪最冇資格對此說三道四? XD

Jenny 說...

I can!

Ebenezer 說...

嗰位仁兄咁鍾意旅行,點解唔做旅行社呢?佢咁鍾意放假,點解唔去教書呢?

做會計師實情係冇榮光嘅,不過要搵命搏就係幾真!

Bittermelon 說...

齋老:

多謝你在這裡及討論版內的留言.聽君一席話,勝讀十年書呀^^

Hi Jenny:
好高興見到你呢d咁積極既留言,yes we can! Good luck^^

Bittermelon 說...

Hi Ebenzer:
咁又係喎,做導遊可能真係啱佢.
做會計師要搵命搏...哎,點解我地呢一行會咁!?

Bittermelon 說...

Hi Ebenzer:
咁又係喎,做導遊可能真係啱佢.
做會計師要搵命搏...哎,點解我地呢一行會咁!?

Bittermelon 說...

有網友在討論區PM我,他正修讀會計學位課程,看完我的文章係有些迷茫,因為他以為有了big4工作經驗加上會計師牌就可以了,但文章說還不成,可以問之後怎打算.我回覆了他/她,也貼在這裡給大家參考:

首先我想強調, 我寫呢篇文唔係想discourage你或者一眾新手,只係以一個過來人身份給你們一個提醒.

香港會計既生態其實係好變態, 成行d人都係咁睇同咁做, audit firm time budget 好tight, OT搞掂佢啦. private commerical firm d 嘢做唔切(例如月尾埋數), 又係大家OT搞掂佢啦.

唔好話 big 4, 其他細既 audit firms同埋出面所有大大小小的公司(不論上市或者係中小企), 你唔肯OT就差不多等於無工作熱誠...哎.

我當初入行時都以為考取到CPA就一天都光晒, 但係香港會計界就睇學歷睇得太緊要, 有cpa無degree唔得, 好啦, 去拿番個degree, 點知有cpa又有degree但係無master, 咁升職或者轉份好工又唔夠人爭. 好啦好啦, 讀埋master吧, 點知又話無番d相關既專業資格(例如CFA, CIA, CISA, etc)又唔得喎, 所以出身十年都要日頭工作夜晚讀書.

以你問既情況, 係big 4捱左4-5年之後, 你有三條路, 一係留番係big 4繼續上到 partner位, 一係出去自己practise 開 audit firm, 一係就出去 private sector 搵份 a/c manager 或者FC既工. 不過好坦白咁講, 三條路都係要讀書加OT. 當然, position上得越高, OT相對上就越少 (不過自己開audit firm除外).

希望答到你既疑問啦, good luck!

hkeric 說...

兩萬幾可以擁有自己的家?

百年老店都會關門.世上只有香港政府長工比較穩定.

Bittermelon 說...

Hi hkeric:

兩萬幾可以擁有自己的家? 得既,不過首期要屋企人幫下咁囉.

香港政府長工比較穩定,對呀,我都係咁講,可惜我入唔到...

Ebenezer 說...

哎...做會計師要搵命搏,所言非虛。

我有位大學女同學,佢攞咗牌,入咗DTT,日OT夜OT,結果佢喺先兩年...

疲勞過度...瘁死!

hkeric 說...

某D政府工嘅工作態度,我一定會激死.

匿名 說...

以我所知, 會計從業員大部份都過著非人生活, 祇有極少數最終能夠成功上位, 重拾人性尊嚴, 享受舒適的生活.

Bittermelon 說...

Ebenezer:
因工作瘁死!哎...咁有無得賠?不過9成唔會有啦.

hkeric:
所以要有審計署同申訴專員公署,雖然唔一定好有效,但好過無咁啦.

匿名:
就係人人都希望能成為"極少數"的一份子,人人努力加班讀書,惡性循環...Orz

匿名 說...

知吾知点先可以去審計署做?我有apply过,但吾in 我..

Bittermelon 說...

Hi 匿名君:
路邊社消息,想有得In,至少要有Master學歷先得.

Dada 說...

刚新增了帐户,吾使做匿名君啦!
谢谢你的消息,起码我知道想懒不考MBA都吾得啦...

Thanks Bittermelon!

Dada 說...

Dear Bittermelon

Really impressed by your blog's content, and it really help tiny melon like me!向你致敬!!!
Hey could you talk about what do your think about "follow-up audit" in your column later. Our practice is that we follow up the audit recommendation 4-6 months later ,to check whether auditee has improvement action taken as IA suggested. But Big Big boss always complain IA has not done enough, and has not pushed auditee enough with "continous" effort. I always feel frustrated abt this as although I have other subordinate to help, I m the only in-charge, and we have to go to different sites! I think that whether auditee has taken improvement action should be the responsiblitity of their mgt(maybe I m wrong..). I also want to help by pushing them all the time, but my time & "location" not allow me to....
Sorry to be long (好耐无呻啦)

Bittermelon 說...

Hi Dada,
No need to salute me. You are too welcome.

For the follow-up audit, your big big boss' attitude is right. It is very important and IA dept should through follow-up to "push" auditee to improve. Your request is well noted. I will write some articles after this topic later.

Have a nice weekend^^

吾話你知 說...

Bittermelon兄,你好!

其實想找人工較高,又喜歡旅行的,ia工作其實不錯.

以前做ia時,曾發夢想過若找到一些5星飯店做ia咪好囉.每次出trip都住5星飯店,食好住好.而5星飯店多數都在旅遊區,做完野或周末就可直接去玩.

就算普通一份跨國公司ia,都有可能四圍飛,而飛的地方好多時一般人係唔會去當地旅行,這種另類旅遊也不錯.

多年前曾經面試某大美資公司,是我所聽最多出trip的工作(不是ia工作,是financial analyst),90% travel(飛日,韓,美國等).即係1個月,只有3日在office.當時好想做,但無奈新婚不久,老婆唔放人.

會計行是辛苦,但比起一些找不到工作的行業,會計最少有得做.大家positive一點吧.

個人準備2010年回香港發展,希望到時market好一點.

Bittermelon 說...

Kent兄:
多謝你來訪我的網誌及留言.也許你說得對,我地做會計既應該要positive D.
連結咗你這個blog.以後多多指教學^^

wayne lau 說...

我好同意(吾話你知) 既講法--->會計行是辛苦,但比起一些找不到工作的行業,會計最少有得做.大家positive一點吧
相比IT(合約+考CERT+MASTER/bachelor),會計係比較安穩一點
而--->每年可以去兩至三次旅行,可以照顧家人及擁有自己的家(估計是想買樓自住),不介意加班但不要時常,以及可以有自己的生活時間。---> 係冇可能, 我冇入E行都知道E D 苦況~~~
我已經好滿足--->月入萬幾+穩定的工作
唔講(有自己的生活時間),(每年去兩至三次旅行),養活家人已經好好,可能你會話我冇大志,但係我能力有限,而且E+香港時代已經唔同以前經濟發展已經過咗,E+係國內發展啦!
迷茫的榚羊~~~

wayne lau 說...

我好仲意你E D POST, 好實際 AND 好有深度, 完全唔同D XX 論壇,個D 朋友仔講野好表面~~~

匿名 說...

我係細AUDIT FIRM做咗3年,睇完以上的POST更覺迷茫,其實唔係行行都有佢地既苦況咩,雖然我工作經驗唔多,但我父母給我的訊息是「行行出狀元」,「到處羊毛一樣黑」,點解大家都好似做到咁消極呢?唔通呢行真係唔可以做到老?

Bittermelon 說...

匿名君,
會計呢一行當然可以做到老,但在入行前真的要想清楚,你自己是否能適應現在的行業生態.能適應的就可以留下來,不能適應的就快快轉行.

你可能覺得消極,但其實不是.早日去面對問題是積極的做法,入行之後才去面對才去想,到時就太遲了.

LinkWithin

Blog Widget by LinkWithin