2009年10月9日星期五

我對你有好感

我是男人,純粹以男人角度看,一位男人如果對另一位女人講「我對你有好感」,當中意思會分幾個層次,其背後的意思可能是:

較含蓄的 Level 1:但願不只是朋友(黎明的名歌:其中一段歌詞是“Lai lai lai lai lai,能否進一步...”)

較直接的 Level 2:我想追你(你受唔受啫?前世!)

擺明車馬的 Level 3:想你做我女朋友/女人

那麼,男人向女人說「我對你有好感」算不算是「示愛」呢?身為男人來看,我認為不單只「算是」,而且「必定是」。 至於是否等於「求愛」,這就要看看“我對你有好感”後還說了些什麼了,例如:「我對你有好感,你又怎樣想呢?」,這就是「求愛」吧。

再問,男人向女人說「我對你有好感」後,之後又說這不算是「示愛/求愛」,這個男人不誠實嗎?有誠信問題嗎?又以一個男人的角度看,這只是男歡女愛的事,與誠信和職業無多大關係吧。

不過,如果男人和女人有從屬關係的話,這句「我對你有好感」就不太妥當了,因為下屬會想,如果我拒絕了,後果會怎樣?男歡女愛本屬私事已經是很難纏,再滲入公事的話,事情只會糾纏不清,所以奉勸身為上司的男人,就算自己有幾「猴急」又或者「猴擒」都好,都要 Behave yourselves,小心謓言呀。

還有一句,是好友多年前講的,雖然很粗俗,但我覺得是至理名言:「係到食,唔好係到痾」。正在吃東西的你,請勿見怪^^

&&&&&&&&

17 則留言:

若缺齋老人 說...

老友,你同我食既地方完全唔同,有冇介紹畀我痾? XD

鹿米館 說...

一是甘的問題在於他是否因為求愛不遂而解僱員工,這是有問題。
二是甘的好感說話對事主是否造成影響,這是值得討論
三是甘在誠信問題出現誤差,其實這也難怪,因為面對危機處理,很多是都是死口唔認先,最後爆左響口才死死地氣認左。

Bittermelon 說...

若老大人:
你係咪講真先?

鹿米兄:
其實我有少少唔明,雖然甘仔身為議員,但係如果佢真係求愛不遂而解僱員工,是否要為此事下台呢?我覺得值得商榷. 其實我覺得我地都幾雙重標準的,因為甘仔係已婚,如果真係求愛,在道德上係唔啱,所以比人罵係應該,但係富商三妻四妾,我又從來未聽過有人(至少傳媒)罵過,莫非議員就要有很高的道德標準,有錢人就不用了?

匿名 說...

兔子不吃窩邊草, 甘乃威犯了大忌. 不過, 從遠古至現代, 許多富豪的正室二奶三奶等等, 不正是他們的前下屬嗎?

匿名 說...

兔子不吃窩邊草, 甘乃威犯了大忌. 不過, 從遠古至現代, 許多富豪的正室二奶三奶等等, 不正是他們的前下屬嗎?

Ebenezer 說...

這單料子經過多日,已經發展到越來越複雜,當中滲雜著道德、政治、攻伐、抽水、甚至陰謀,糾纏不清;相關參與直接混戰的,更非只是當事男女雙方,而是己經加入了傳媒、政客、網民、搏客,好不簡單!

匿名 說...

甘先生有前科, 誠信唔好, 參考報章資料.
打工遇到被人求愛, 最終被炒, 老闆肯定不是好人, 打工歸打工, 一個人公私不分, 公報私仇, 得不到愛, 就抄人, 此人人格好有問題.
市民如何信這議員為市民服務

鹿米館 說...

如果是求愛不遂而炒人,這不是道德問題,而是勞工問題,因為有違僱主與員工守則,個員工冇錯,走去炒我的話,當然要作「一般」投就作處理。

其實我不覺得要用道德審判去看「求愛不遂」為問題所在,反而是在法律上觀點去看才值得商確。

至於誠信則要有所需要,因為議員作為社會地位較高的職能時,對市民是有交待,他這次誠信不是在於有老婆走去溝女,而是在於他開始否認問題,但最後又認,呢下先至係致命傷。

講真,男人好多時都在工作上搞搞震,不少老闆都係咁架啦,特別在商業市場呢,哈哈。

甘這次其實可以避過一次政治風波,但開頭在拆解炸彈的反應差,被媒體追住來打,如果當天一早承認,然後搵老婆支持並說出如何解決問題,他便不用日日比蘋果小。

篤篤篤撐 說...

「係到食,唔好係到痾」>>>甘大枝E+明白了

richmapoorma 說...

要示愛, 不是問題, 不過先想想後果和代價.

更重要是要自問有把握和退路才好行動.

passerbyvera 說...

立法會花納稅人的錢,把這個男人的風流帳搬到議事堂辨論,真是很讓人無語!無奈!這個是'甘生'唔係'Cliton 生'!!!為何不把這些時間花在那些真正值得討論,落實的議題上呢?!My Godness!

hkeric 說...

唔明。食乜?痾乜?

示愛之後,大家開始唔能夠愉快工作,所以結果賓主關係,照勞工法例做就得啦。上司示愛犯法咩?

匿名 說...

哇,hkeric, 你噏乜呀?

匿名 說...

上司示愛無罪, 補錢解僱有理;
說謊保護雙方, 調查浪費時間.

Bittermelon 說...

Hi 各位:
多謝大家的留言.

hkeric 唔明食乜?痾乜?其實呢句係一句比喻,在同一家公司工作,最好不要搞男女關係. "食"代表打工搵食,"痾"代表搞男女關係.

據聞女事主可能會協助調助甚至出席立法會作供,看來事件可能會水落石出,但我覺得羅生門的機會也很大.始終係男女感情之事,你有你講,我有解釋,最後係浪費公帑做調查.

hkeric 說...

正如朋友,其中一方示愛之後,都有機會連朋友都無得做.其中一方唔like,唔再見面.

甘生結束賓主關係,照勞工法例做,並唔一定有問題。上司示愛犯法咩?

Bittermelon 說...

hi hkeric:
我都係咁話,但傳媒就好似唔放過佢,連道德把尺都攞埋出嚟,甘生呢次...哎

LinkWithin

Blog Widget by LinkWithin