2009年10月19日星期一

Touch Screen 手機用家報告

我本身一直使用傳統的Keypad手機,最近舊手機有點故障,內子就送了一部Touch Screen手機給我。收到這份禮物的時候興奮莫明,因為覺得Touch Screen手機很漂亮很Cool,聽歌、上網、拍照、拍短片、玩遊戲、寫備忘、收發電郵等等樣樣皆能,一機在手玩個不亦樂乎。

可是,用了兩天之後發覺並不好用,尤其是打電話,出奇地不方便。有點奇怪吧?手機的主要用途應該是打電話,但居然在這方面不好用!

舉一個實例,撇開解除鍵盤鎖的程序,使用Touch Screen手機打電話,至少也要按一下螢幕才可以輸入電話號碼,而傳統的Keypad手機,只要直接按電話號碼就可以了。你可能想說,苦瓜太懶惰了,多按一下也抱怨嗎?可是在螢幕上按那個電話掣並不是想像中容易,必須要看準了電話掣的位置,以不輕又不能太重的力度按下才能有反應,對苦瓜這些大近視的人來說,可能要按幾次才按中。這個例子未夠好?好了好了,再舉多一個實例,就講講音頻系統吧。當致電到留言信箱、18503問天氣或者其他音頻系統,對方必定會要求你輸入一系列數字來選擇服務,可能是我的手機設計有問題吧,電話接通了以後,數字鍵盤便會關閉,要再按二個按鈕才可以再次開啟數字鍵盤,初用這部Touch Screen手機時,就是因為要找按鈕,加上自己大近視按不準,最後搞到對方系統差不多Time out都未按得到。

Touch Screen 手機的保養也是一個問題,傳統Keypad手機,隔幾天用軟布刷幾下就可以了,但Touch Screen手機是用手指操控,螢幕又較大,怎樣潔淨的手指也會油份吧,有潔癖的我就要隨身帶備一塊小布,經常為螢幕清潔。

下次再換手機時,還是選傳統的Keypad手機算了。

&&&&&&&&

11 則留言:

肥貓 說...

Touch screen 手機我還未用過, 不過有部itouch, 按螢幕還可以, 但正如你說螢幕真是 "指紋斑斑", 經常要為螢幕清潔.

波蘿游 說...

苦瓜兄

對於我等有老花(近視不是問題)或手指開始生硬的中年來說,要適應Touchscreen手機,亦算是中年危機之一。

Touchscreen手機最大好處,是令自覺年輕幾年,哈哈

Ebenezer 說...

想問你部touchscreen 是iPhone抑或是WM機?前者還可以,後者我已用到怕怕:(

篤篤篤撐 說...

我用少奶幻部TOUCH SCREEN, 打電話時都係好唔方便

吾話你知 說...

其實習慣問題.

以前用開pda (wm)電話,而最後部5530(應該同你一樣款).用用下覺得其實係ok既,比wm好好多,不過要d時間去適應.

我都有部老人平價機,1661,keyboard夠大,打電話反應快.但收音又唔係咁好.

指紋,面油等是touch screen電話的常見問題.冇辦法解決,要成日清潔.

hkeric 說...

用左HTC touch cruise年半,無乜hang,用得多就憤.

有時諗起d野,無筆無紙,所以要用PDA記低.

Bittermelon 說...

Hi 肥貓:
啱啱抺緊部機,一日要抺好多次,哎...

Hi波蘿游兄:
Touchscreen手機最大好處,是令自覺年輕幾年,哈哈? 我感覺相反呀,覺得自己老喇,搞唔掂d新嘢.

Ebenezer兄:
我部係Nokia 5530.有好多同事用iphone,都試玩過,覺得好"禁"好多.

篤兄:
你覺得唔方便,好可能同我一樣有中年危機,哈,講笑.

吾兄:
係呀,我部都係5530.今日發覺無端端部機成日自動reset(即係自動熄機然後又自己著番),你有無試過相同情況?

hkeric兄:
我同你一樣都係鍾意用手機記住d嘢,不過呢家用touchscreen機,就要坐定定先可以做記錄,唔似得以前用keypad機,一路行一路記都得,不過可能真係習慣問題,希望快d可以習慣.

若缺齋老人 說...

除相機外我都幾乎唔用任何手機古怪功能,睇見人用手機上網睇網頁真係好辛苦...

hkeric 說...

苦瓜兄

小弟都想用keypad,但係又想用windows mobile同電腦同步...

倉務員 說...

手提電話同時作為PDA, 加上網, 和Outlook, Google a/c 同步化 --> 生產力提升,苦瓜前輩您的努力有回報的!

Bittermelon 說...

齋老:
係呀,真係超辛苦,d字又細,放大咗又要將個網頁推左推右,睇網頁都好d,如果要寫嘢,例如係討論區回帖,仲好麻煩添.

hkeric兄:
OIC.但同電腦同步唔駛一定要windows mobile呀,Nokia有個software,不論係咪touch screen手機,都可以將手機同電腦同步.

Hi 倉務員:
哈哈,我唔駛用手機搵食,所以手機對我來說只係娛樂用而已^^

LinkWithin

Blog Widget by LinkWithin