2009年11月28日星期六

西裝友點扣西裝鈕?


自本月天氣開始轉涼後,很多人都穿上外套,西裝褸當然不在話下。昨天在回公司的路上,發覺很多西裝友都不會把襟前的鈕扣扣上,而喜歡「條條Fing」。我自己呢?如果是三粒扣的西裝,我喜歡只扣上中間的那一顆,如果是兩粒扣的西裝,我則只扣上上面的那一顆,你呢? 突然很想做個小統計,請留言告訴我^^ (如果你是女的,你認為西裝友點扣鈕才算帥?)

1)兩粒扣的西裝-->只扣上上面的那一顆
2)兩粒扣的西裝-->只扣上下面的那一顆
3)兩粒扣的西裝-->兩顆都扣上
4)三粒扣的西裝-->只扣上上面的那一顆
5)三粒扣的西裝-->只扣上中間的那一顆
6)三粒扣的西裝-->只扣上下面的那一顆
7)三粒扣的西裝-->三顆都扣上

&&&&&&&&

16 則留言:

ondog 說...

苦瓜兄, 小弟完全同你一樣~

(不過近年都好少著老西了~!)

匿名 說...

不論男女,不管有幾個扣,都應該扣上最上的一粒。目的是維持西裝領子結構的設計和美觀。當然,如果有三粒或以上的扣子,最好多扣一粒(由上數落第二粒),比較整齊美觀。

Bittermelon 說...

ondog兄:
哈哈,原來你和我一樣^^

匿名君:
多謝你的information^^

匿名 說...

好像沒有扣上喎.

Bittermelon 說...

Hi匿名君:
係街上面都見到好多人唔扣.係咪怕熱呢,定係會瀟洒d?

若缺齋老人 說...

應該唔扣最底一粒,扣埋有特別意思。

(可能受帝國人影響,除非見客,平時唔扣恤衫頸喉鈕! XD )

篤篤篤撐 說...

1)兩粒扣的西裝-->只扣上上面的那一顆
三粒扣的西裝-->只扣上中間的那一顆

匿名 說...

哦, 明白了, 原來係為左瀟洒.

不過, 都要個人得先至得架, 如果唔係, 就瀟洒唔成, 變成辣噠.

hkeric 說...

少着,唔記得左要扣,所以係無扣。

波蘿游 說...

點解冇以下選擇:

上鈕扣入下口,或是
下鈕扣入上口,

即係唔上唔落,D artist 都興架

Quality Alchemist 說...

我的選擇如下
3)兩粒扣的西裝-->兩顆都扣上 (天氣涼); 兩顆都不扣上 (天氣熱)
5)三粒扣的西裝-->只扣上中間的那一顆

the8 說...

我作為女性,有三粒扣三粒,有兩粒扣兩粒,除非啲鈕上到頸就唔扣最高果粒~

港男大力 說...

小弟就通常唔會扣最高個粒頸樓
其他都會扣
如果係D大件D,唔係成套西裝咁既, 就會唔扣,因人面有件衫:)

豹哥 pallydou 說...

不成文規定係扣剩最底的一粒。不扣鈕只是因為要扮大佬之嘛....呵呵

Ebenezer 說...

要公子形仔feel時,永遠扣剩最底嗰粒。

要豪情feel時,條條fing兼雙手叉腰。

要落泊feel時,麥登扣錯樓,雙手插袋頭dup dup。

Bittermelon 說...

若老:
有乜特別意思?

篤兄:
我已經無晒d兩粒扣既老西喇.

匿名君:
除咗辣噠,仲要烏"where"添

hkeric兄:

波蘿游兄:
點解冇你講既選擇?因為我係嗰d規行步距死板板既人囉^^ 所以我都唔係artist既材料.

QA兄:
終於有人同我一樣啦^^

the8:
原來女仔係咁睇既.

大力兄:
原來你鍾意唔扣.

豹哥:
扮大佬?! 哈哈,有幾真喎.

Ebenzer:
唔同情況唔同扣法,又幾好喎^^

LinkWithin

Blog Widget by LinkWithin