2009年11月20日星期五

CPA couple

內子和我於周六逛街,在某商場巧遇兩位舊同事,他倆相戀多年還未結婚,不過應該不遠了吧。

感覺頑特別,兩對couples四個人都是在同一家會計師行工作過,大家沒有見面多年,話題自然離不開其他舊同事的近況,例如某某和某某回到舊公司工作,某某剛入了醫院,某某和某某結了婚等等等等。說也奇怪,舊公司的規模只屬中小型,員工不算多但卻造就了不少姻緣,認識的同期舊同事當中,除了我們兩對couples外,至少還有四至五對,莫非是風水原因?

回想當年在這家公司工作的確是一件愉快事,一班年紀背景相近的年輕人一起工作,彼此沒有勾心鬥角的利害關係,大家一起出Job一起Stocktake,收Job回到公司,大夥兒坐在豬肉檯,一邊工作一邊偷偷閒聊吃零食說是說非,有同事在埋數時發現Trial Balance兩邊不balance,找了好半天終於把那幾角錢的差異找出來,大家為他奮臂高呼,Deferred tax reconciliation 怎樣 "Rec" 也不成,大家又幫忙看(雖然往往是幫倒忙),還有加班後一起落Pub,考試前一同溫習,考試後又一起BBQ,行山,唱K,還有參加公司的周年派對,抽獎時大家的興奮心情,還有...實在有太多愉快的回憶。

從他們的名片當中,得知他們已有了自己的會計師行,不論這一行的前景是悲是喜,兩口子能在一起為將來打拚,我覺得這個夫妻檔很幸福啊!

K及W,祝願您們生意興隆,健康快樂!

&&&&&&&&

17 則留言:

ondog 說...

Hi 苦瓜兄:

好有同感呢!

小弟既太太,都係第一份工既中小型痾秩firm到識既呢~!

Bittermelon 說...

莫非ondog兄係同行?

港男大力 說...

雖然唔識會計
但係相信一班年輕人努力既地方,好有回憶,一齊捱,一齊努力~~
呢d經歷確實難得 :)

鹿米館 說...

今日信報龔耀輝講苦瓜兄你呀。哈。
你上報呀。

Bittermelon 說...

港男大力兄:
呢份工真係好難得,諗番起都好開心.

鹿米館兄
真係?不過我無訂閱信報,所以睇唔到.

ondog 說...

哈哈~!
小弟係一隻懶狗~
audit要咁勤力既工,小弟捱唔到好耐~

Bittermelon 說...

ondog兄:
唔係audit啫,咁係做會計啦啩?

ondog 說...

是的是的!
:)

Bittermelon 說...

ohoh,咁就要將ondog兄你個blog既連結擺上去 "會計群英"啦 ^^

ondog 說...

呀~!
(汗顏滴汗,失禮失禮,小弟班門弄斧而已...)

Bittermelon 說...

ondog兄:
你由07年1月開始開blog,你係我前輩就真.如果你都叫班門弄斧,咁我真係要行埋一邊.
anyway,大家唔駛咁謙,以後請多多指教^^

ondog 說...

多多指教!!!
多多指教!!!

^^

若缺齋老人 說...

我仲係冇人吼!

Bittermelon 說...

若老緊係眼角太高喇!

一係我介紹你去我舊公司到做喇!嗰到旺桃花^^

hkeric 說...

「黑箱」是如此作業的 - 馬振峰

Bittermelon 說...

hkeric兄,
多謝先,我已經係年青會計師會既網頁睇到嗰篇文章了,而且係discuss.com.hk仲開咗一場討論,有興趣去睇睇啦:

http://www.discuss.com.hk/viewthread.php?tid=11017261&extra=page%3D1

WYJIMMY 說...

我第一份當會計公司也是這樣, 一班青年人嘻嘻哈哈, 放工便一起去玩, 放假又一起出去玩, 造就了很多對, 最後都結了婚生了孩子...

不過你那對朋友都算遲....

LinkWithin

Blog Widget by LinkWithin