2010年1月1日星期五

悲觀未必一定是壞事

如果看過我的文章,例如《香港會計業前景悲觀》和《會計新手需知:會計業界生態 》,你會知道我對業界的前景頑為悲觀的。有同業勸告說,面對目前不明朗的前景,業界不應心存悲觀,認為大家應要抱著樂觀的心情去面對。坦白講,在這樣的前景下,要看得開而且心存樂觀真的有點強人所難呀!

其實對前景感到樂觀未必一定是好,而悲觀也未必一定是壞,為什麼我這樣說?因為對前景樂觀的話便會對日後有一定的期望,萬一期望最終落空,失望之情也會較大,換句話說即是「爬得越高,跌得越傷」。相反,如果大家心存一點悲觀,一來期望的落差不會像樂觀的大,二來看得悲觀一點自然會產生危機感,有了危機感就會為未來做準備。

有人面對悲觀會變得消極,但我倡議的是「積極悲觀」,即是要為未來可能出現的困境盡能力做好準備。有點像歪理,也有點像說教...哈哈!無論如何,大家共勉之!

祝大家新年快樂,事事如意,身體健康!

&&&&&&&&

11 則留言:

Ebenezer 說...

是悲觀是樂觀也好,大家都指望明天會更好。

在此,祝逄凶化吉,反敗為勝,新年快樂。

若缺齋老人 說...

留得在香港會計業想唔悲觀都唔得,更實際既係搵自己既路:

一係學本老頭咁做懦夫散水(不建議,邊有人鼓勵他人做懦夫?);

一係一邊莊敬自強奮力向上、一邊調整生理習慣可以日日訓3個鐘、食兩餐豉油撈飯都唔皺眉頭!

匿名 說...

若老人提及的兩條路, 一條係回頭路, 一條係上天堂之路.

梁巔巔 說...

悲劇的誕生, 要真正了解悲, 先知真正的快樂!

異曲同工.

另祝您新年快樂!

shelle 說...

Happy new year!

若缺齋老人 說...

話時話,小弟既"會計FAQ"計劃中只剩一集,亦係同苦瓜大王講類似話題~

匿名 說...

用'先天下之憂而憂,後天下之樂而樂'的心態會不會近貼切???


Faithtrust100

hkeric 說...

如果悲觀係日日都唔開心, 咩事都好多問題, 所以做黎都無用, 死得.

如果樂觀係日日都開心, 咩事都覺無問題, 乜都唔做, 死得.

匿名 說...

苦瓜...首先祝你新年快樂...

同埋想講句多謝...我係一個應屆大學畢業生, 從中學開始就想做Auditor...因為auditor係可以學到好多唔同行業既人接觸(係我相信客人來自五湖四海)...我相信我係會學到好多o野...

未睇你個blog之前, 我俾人話我傻, 點解要入一個俾人話咁難既一行? 點解唔入commercial field?

睇咗你個blog之後, 對呢一行有多少少除教科書之外既知識... 多謝你, 我諗我都會找有關audit 既工作... 係唔係big 4, 隨缘啦! 我想有危先會有機, 係唔係?

祝你2010年, 身體健康... 分享多d你既經驗俾我哋呢班後生仔... 多謝你 =]

若缺齋老人 說...

有點離題的舊話題,只因見到段新聞曰:

鰂魚涌南豐新村 旺中帶靜 2房入場費255萬

http://hk.news.yahoo.com/article/100102/4/fxf7.html

雖然話就話474尺,不過舊樓冇而家既咁縮水,兩口家應該都夠住,當然想要細路既就非常非常非常勉強啦!

懶自己重計,用癢生計算機,假設借七成(76.5萬...auditor要幾多年先儲得到呀!)、供20年、息率5%(當然要保佢大大將來唔好大幅加息,以會計師來講銀行肯收唔你P + 5%已經非常偷笑...)

http://bank.hangseng.com/1/2/chi/personal/mortgages/mortgage-calculators/monthly-repayment-amount-calculator

若是"每月供款",便得出:

物 業 售 價 / 估 值: HKD 2,550,000
貸 款 額: HKD 1,785,000
還 款 期: 20 年
按 揭 貸 款 成 數: 70%
按 揭 年 利 率: 5.00%
每 月 還 款 額: HKD 11,780

天呀...HKD11,780?已經係唔少certified accountant既除稅後總收入...唔拖埋老婆份糧落水食乜?

(而且南豐已經唔算係"好高騖遠"既選擇了吧?)

Bittermelon 說...

多謝咁多位仁兄仁姐係假日都給我留言.新年伊始,祝大家有個好開始^^

LinkWithin

Blog Widget by LinkWithin