2010年1月22日星期五

考到CPA就想收工不進修?

不只一次在討論區看到類似的問題,好多人以為考到了CPA加上Degree就可以從此收工不用再進修,但在求職時卻發現一街都是相同學歷的人,競爭實在太大,甚至有人見到有 Qualified Accountants 申請會計文員職位,慨嘆辛苦考CPA並不值得云云。

曾在《會計新手需知(二):學歷競賽》一文講過,我當初入行時也和很多新手一樣,認為只要辛苦幾年,考取到CPA資格後就從此不用再辛苦,可以好好享受生活了。可是,因為市場上專業會計師的供應實在太多,但機會卻越來越少,形成了慘烈的學歷競爭。

坦白講,今時今日,CPA加上Degree只是入行的入場券而已,如果還不肯接受現實去改變想法,仍然羨慕及沈醉於前輩們的風光日子的話,工作日子漫長,真是得難再捱下去。

有人質疑進修沒有用,又有人說莫非要繼續考取 Master、Doctor、CFA、AICPA、CICPA、ACA、CIMA、CIA、CISA一大串資格才夠資格搵食。其實進修沒有錯,常見的問題只是在於進修不得其法。

例如讀會計的博士課程,除非是在大專任教,否則,博士資歷對於在商界工作的會計人根本沒有多大的幫助,而且會計博士課程的內容太專,在工作中能應用到的知識實在很有限。進修未必一定是在Degree之後繼續讀,盲目讀上去,就算是碩士博士,如果進修的東西未能配合自己的職業發展(Career path),讀了其實差不多等於白讀。以我自己為例,我選了Internal Audit這條路,所以進修的範疇大多是圍繞這方面的。另外,在商界發展,Management soft skills是很重要的,特別是人際關係(Interpersonal skill)、溝通技巧(Communication skill)、領導才能(Leadership)、表達技巧(Presentation skill)以至談判技巧(Negotiation skill)等等,想「上位」成為管理人的話,這些全是必修科。

還有一點,只是「讀」是沒有用的,必需要通過「實踐」來邊做邊學,將人家的知識變成自己的。

&&&&&&&&

6 則留言:

港男大力 說...

見到第一年寫討論區既人
就知道佢地都幾短視
呢個世界, 你拎到一個degree,人地就會拎同一個degree....
感覺有點夜狼自大....

若缺齋老人 說...

講開會計學博士/研究,又諗起以前本豬寫過既一篇笑話:幾個在會計學院內勢高位尊的"學者"寫左篇大作,認為audit fee與risk是有關(當然真係考慮之一),跟住就閉門造車咁去"計算"audit risk、然後就話audit fee應該如何如何云云...

當時傳畀兩位CPA,三人看完結論一致:寫篇文既人肯定一日audit都未做過!現實中邊有人咁計、而且除audit risk外佢地唔知仲有好多考慮、更唔知fee從來只係傾出來而唔係計出來?

(後來得閒到睇佢地三大作者既CV,不出所料果然三個加埋都冇一日實際經驗!不過現行遊戲規則下,e類出白痴文既先升得快、相反有唔少在行內非常有經驗但欠缺出文能力既就點都升唔到...有時見唔少剛畢業既小朋友概念混亂,可能唔係佢地既責任而係畀人教壞左!)

Quality Alchemist 說...

公社行鋼線,香港好危險.
到時拎到什麼degree都沒用.

豹哥 pallydou 說...

博士......如果唔係從事學術工作,似乎拎住呢個銜頭去搵工只會害左你。

匿名 說...

小弟做內審3年,經驗吾多,裸完個AICPA,CIA后,覺得,其實呢行只系其中一門財經演藝事業。

做到專業,無用,讀到學富五車,都無用,因為根本回吾到本。

馬住client,馬住partner / senior manager先系升級游戲既法典。 Talk得 (所謂 presentable)系非常重要。 學歷,資格,對于無后臺撐腰既人,系必備,對于有后臺,有老細照既人,可有可無。有就好D,無都吾使死。

個人體驗,吾好見怪。

bittermelon 說...

匿名君:
坦白講,我當出來工作時都有你相同既想法.可能之後有幸入到幾家好公司吧,慢慢發覺係始終都係自己做得到嘢是係辦法.見過好多無料到只靠刷鞋上位既人,佢地的確係好風光,但風光時間始終有限期,每次係政爭時自然會消失.
你入行時間尚淺,遲d你會明白我講乜.good luck ^^

LinkWithin

Blog Widget by LinkWithin