2009年12月21日星期一

男女失衡

部門同事是男是女,我自己沒有喜好,不過男女比例最好是50:50。內部審計是全女班不是不可以,只不過內審的工作始終需要四圍走,而且間中需要到訪一些「山卡啦」而且治安又不太理想的地方,派男生的話始終放心些。有人說不如全男班,但是這個組合也不好, 因為女生較細心和有耐性,男生又比較粗心大意,我自己就是這種人,如果整個部門都是這樣,後果可以可大可小。所以我認為內審部門的男女比例最理想是一半一半。

不過,由幾年前關始已發覺我們這一行越來越難請到男生了,特別是年資較淺的職位,發覺現在的會計畢業生都是女生居多。翻閱會計師公會的年報,發現08年學生會員的男女比例是43:57,女生比男生多。再看看會員的統計,原來05年CPA的男女比例是55:45,到了08年是53:47,女生的比例似乎有上升的趨勢。

說香港招聘會計男生難,在國內則更難,有一次委派了同事到某大學招聘練習生,但發現合資格面試的全是女生,為了維持部門的男女比例,特意請同事無論如何也選幾個男生見見,最後卻發現這些男生成績較差,不是薯頭薯腦反應遲鈍,就是口齒不清欠缺世故,實在無法揀選。有一次和HR談起這個現象,他們說因為國內男生喜歡選工科,選商科的只屬少數,而且優異的商科男生未畢業前早已經被外資公司搶走了。

部門男女失衡持續不是好事,真的不知如何解決才好!

&&&&&&&&

15 則留言:

匿名 說...

IA 想入行門路好像不太多,
像我畢業出來馬上進入commercial field,更是找不到門路,
一堆入職條件, External/Internal audit exp., 3 yrs exp.
我這些馬上便被拒之門外.
想像不到怎入行.

bittermelon 說...

Hi匿名:
係香港既情況,除非係請Audit trainee,否則一般IA既入職要求都係要有2-3年工作經驗.而且IA既職位相對比會計少,所以你覺得入行比較難.

若缺齋老人 說...

有好多工種e.g.擔擔抬抬、去危險地方...的確係要男既;

不過女多於男唔止IA、亦唔止係會計現象,幾乎所有大學科目都有同類情況,小弟畢業時男性聖地工程學院已經幾乎係五五、聽醫學院教既朋友講佢學生女性甚至已是大多數!

豹哥 pallydou 說...

男女失衡的問題會影響男士留在公司的壽命。比如如果男士全都要跑中國線,女的印印腳做香港project,這也不是一件好事。

肥貓 說...

男女失衡的問題在我公司也很嚴重, 現在部門主管的男女比例是2:8, 公司五大巨頭只有一個是男人.

Ebenezer 說...

IA本來係一份好鬼乞人憎嘅工作,為著面對Auditee可以工作順利d,IA部門通常係請話頭醒尾,口甜舌滑嘅人入行,男嘅要眉清目秀,女嘅就要嬌俏可人。

(以上所講純係我嘅幻想,係完全與現實脫節,哈哈!)

匿名 說...

女生供過於求,到後來可能男生薪酬可以向上調,哈哈.
我公司男女比例1:9,某些部門更是全女班
話說回來,沒有Audit經驗,是不是入不了IA? 已有數年commercial exp.
沒有IA經驗,去讀CIA,會否很笨(因都沒有多大機會入行)

bittermelon 說...

若老大人:
咁我又想問,d男仔去晒邊?

豹哥:
男要跑中國線固然辛苦,但係好多人其實係好想架...hehe

肥貓:
嘩!你間公司男仔既地位咪...

Ebenezer兄:
哈哈,你講得啱喎,ia的確係乞人憎,另外,搵靚仔靚女其實真係有著數,特別係問auditee攞嘢時,成功率機乎100%

Hi 匿名:
沒有Audit經驗是不是入不了IA? 不一定,如果有相關的operation經驗,例如Accounting, treasury等等,IA一樣會請的.如果你真係有興趣入行,不妨考CIA,對你入行有幫助.

匿名 說...

因為男生都好似苦爪兄所講, 標青既俾MNC要; 唔標青既要來都無謂... 大學內,上堂主要係女生, 男生時時都出咗去返工或者真係走堂...

男女失衡...唔止職場上,社會上都開始咗... 香港女士係叻在讀書同背, 而香港教育要係"田鴨"所以咪咁... (其實我係女士)

坦白講, 返大陸都係想有個男同事"磅"住, 無咁怕...同埋對酒唔會輪到我哋... 我都唔明內地既飲酒文化可以咁都有...

我都係剛讀完袋鼠國大學返來, 無返來三年好似變咗好多咁...讀大學想做AUDIT, 俾人話唔好搵命搏... 因為女既要好識飲...真係好無奈, 唔通真係要做返commercial field?

bittermelon 說...

Hi 匿名:
做AUDIT要好識飲酒? 我覺得未必,又唔做sales嗰邊,識飲酒固然對同客人social有幫助,但係唔識我又唔覺得問題好大,而且又唔駛要日日飲,所以我唔覺得呢個係問題喎.

若缺齋老人 說...

苦瓜大人:咪好似我咁囉!

匿名 說...

飲唔飲, 決定係自己個心度...
除非你要搵多幾隻大陸IPO做,否則external field audit, 唔飲對complete field work既影響始終有限!

hkeric 說...

工程學院點會五五呀?小弟果時好似係九一啦,當然係九男一女啦。

豹哥 pallydou 說...

匿名:

做IA不一定要喝酒的,以我的經驗,EA因為客戶想奉承你以獲取好一些的財務報表,故此一定帶你去飲茶灌水,相反,客戶認為IA是找他們錯處,食飯?食自己啦。

苦瓜,走中港線不是問題,問題是當有人耍手段以致其他人全走中港線,這才是使人discouraging的事情。

匿名 說...

同意豹哥所言...但係好似我呢D小薯仔,無話事權...要俾人點無得選擇...我唔做大把人做... 唉! 世界難撈

LinkWithin

Blog Widget by LinkWithin