2011年2月14日星期一

男人的愁人節

今天是情人節,相信不論是結婚,未緍,蜜運中,失戀中,甚至還未拍拖的,只要你是男士,那十居其七八都會感到苦惱。

苦惱的原因嘛,結了婚,未婚,蜜運中的就要預先想好怎樣去和另一半去慶祝,失戀及未拍拖的就要想好在這觸景傷情的日子要如何去過。

記得失戀的那年,所愛的人不在香港,自己當晚在家聽收音機,那個不識趣的DJ竟播放Richard Marx的「Right Here Waiting」,令我早已平復的心情再起波瀾,平白哭了一場。

現在結了婚,內子早已說天天都是情人節,所以不要花錢去慶祝。可是,千萬不要相信這些連她們也以為自己是這樣想的鬼話。男士要是當天真的甚麼也不做的話,女士們必定會記在心裡,就像一口釘子釘了在籬笆上,就算把釘子拔掉了,釘痕仍會永遠留著,後患無窮啊!

所以,男人的情人節其實是愁人節才對。

&&&&&&&&

12 則留言:

匿名 說...

那麼剩下的十之三二獨身主義者們是否正在冷笑世人作繭自綁呢?

若缺齋老人 說...

1. 都係Jimmy長老專收埋女仔唔介紹來囉!

2. 亦係Jimmy長老教完我追女仔先知咩事,女仔講野真係信唔過(話唔係其實絕對係!),唉如果早識你地兩個專家就好了...

the8 說...

堅認真的,我是不會要求送花(花應該生活於泥土中而不是折下來的)送禮物(要咩嘢,駛乜等到情人節先買?)或燭光晚餐(呢啲日子俾幾倍價錢但質量又唔成正比,唔抵呀!),原先打算在家邊,但今日咁凍又唔想洗碗,於是都係求求其其食啲嘢馬上返歸早啲沖涼上床瞓覺好過!

一個沒有生活情趣的中女字 XD

肥貓 說...

>> 可是,千萬不要相信這些連她們也以為自己是這樣想的鬼話

不要把每個女人都魔鬼化!! 我和the8的想法很像, 不要在今天送花和吃什麼情人節大餐, 因為太不值得, 而且好老套.

Ebenezer 說...

師兄,收到兩位女仕指導未?

在情人節係唔駛對女人特別做d也架,佢地淨係要你氹到佢好鬼開心就夠架喇!

篤篤篤撐 說...

原來你o甘感性, 我呢, 從來對呢d重要日子冇feel~~

浪子m: 說...

對, 無伴的有點寒意

匿名 說...

情人節慶唔慶祝?
第一個情人節是可以慶祝一番的,
始終都是寶貴的回憶。
食唔食情人餐,唔重要;
禮物,卻唔少得。
雙方,如果是真心,
當然有情飲水飽都得。
最重要,大家有默契。
豐儉由人。

Quality Alchemist 說...

今天新聞有'天地有正氣',但正生遷校梅窩依然沒有進展!豈有此理!

bittermelon 說...

肥貓姐,the8姐,

我無意魔鬼化女性,其實我講的在情人節要慶祝未必要花很多錢,就我太太而言,只要我當日做番D嘢氹佢就足夠,但問題就是我們都老夫老妻,要每次都有新意,對我來說的確很煩惱...

the8 說...

苦瓜兄:

年年都要有新意?哇,你真係頭都痕埋啊!不過阿嫂可能因為你年年都俾驚喜佢,所以一年一度期望呢個驚喜嘅來臨!

好同意樓上匿名君的一句:

最重要,大家有默契。
豐儉由人。

有些女生真的要人有我有,無示伴侶搵幾多,以打計的鮮花、燭光晚餐、神秘及名貴的禮物缺一不可,如果男方有經濟能力當然沒問題,但我識很多男的平時都已經入不敷支,撞正這一天往往要碌卡渡日。

咦?太長氣添唔好意思打攪晒~!

肥貓 說...

苦瓜兄,

其實要氹老婆都唔係咁難, 做d你平日少做既事, 一句說話(肉麻d), 一餐你煮既飯(公仔麵都得), 又或者做d手作仔(唔識就去學), 包瓜嫂都會受落, 因為她會知道這是你特地為她而做, 為她花時間花心思, 俾我就感動囉!!

LinkWithin

Blog Widget by LinkWithin