2010年5月4日星期二

德先生還肯來嗎?

今天是五四運動91周年紀念,在網上隨便翻閱看了幾份大報及網誌,發現沒有太多人提及,就連一個像樣的新聞特輯也未見到。是五四運動不值得紀念?還是近來發生的事大多,大家對這段歷史遺忘了?坦白講,不是今早聽FM104時經香樹輝先生提起,連我自己也忘記了。無論如何,覺得今天要寫點東西,把自己的感想記錄下來。

當年(1919年)五四運動提出以民主(德先生)、科學(賽先生)救國。看看91年後的今天,賽先生已經到了中國。神州太空船升空、太空漫步、衛星、三峽工程、青藏鐵路等等,加上中國舉辦了世運及世博,令人感到中國到了前所未有的盛世。可是,反觀德先生,不要說中國大陸,就算是相對比較自由開放的香港,我們連他半張臉孔半個身影也看不到,更遑論有朝一日他會來臨呢?

德先生能來與否,我們固然要看亞爺面色,但最要命的還是自己人天天在打窩裡炮,再這樣下去,德先生還肯來嗎?

&&&&&&&&

10 則留言:

詩白爾 說...

小詩這一代學的是「五四青年節」。

至於「五四運動」、「德先生」和「賽先生」,都是社運搞事分子的專用術語。

呀,「喪權辱國」、「二十一條」、「曹汝霖」那些字眼,我的朋友會以為是菜牌上的菜餚名稱。

望苦瓜兄閱後不要感慨流淚,現在國家強大人民和諧,都有賴黨和國家啊。

bittermelon 說...

坦白講,其實我和你一樣後生,學的都是"五四青年節".不過,雖然覺得"德先生"和"賽先生"這兩個名稱老套,但以擬人法來寫又覺得頑有趣,所以就用了.

波蘿游 說...

『自己人天天在打窩裡炮』

打窩裡炮,雖然十分優雅,但就十分北方,還是喜歡廣東話的「鬼打鬼」

篤篤篤撐 說...

比例代表制的目的就是要鬼打得, 阿爺成功了

Ebenezer 說...

忽然想起一首老歌,叫做蘭花草。

"德先生"現在應該叫"得哥",係唔得嘅代名詞。

匿名 說...

中國舉辦了世運及世博,令人感到中國到了前所未有的盛世

反而感到難過,其它地方出現的災害,唔敢否定不是自然災害,不過,近年各地開山填地,破壞大自然,除非有人能否定當今天氣反常,同人類破壞無關,咁中國少部份的盛世,是否由大部份地區來承擔

FAITHTRUST100

Quality Alchemist 說...

對五四運動認識不多. 賽先生已經到了中國, 有點保留. 現在中國的科技和外國相比(國防和民用), 還有很大距離.
反觀德先生, 可能比自己人禁錮了.
在香港, 泛民與建制都企硬. 但又不能把公民意識提高.

公社只管叫人支持他們, 把大家的票用作注碼. 其實不論支持或反對, 最重要是投票率高. 這樣可代表大家關心社會, 有民主的基礎, 提高公民意識. 我不認同公社的道路, 我就投白票來反對. 這是公民的責任!

Ebenezer 說...

我覺特 516 果日會有好多白票!

匿名 說...

我連票到唔投,連投白票嘅時間都慳番。
五子根本就唔清楚中央。
中央係阿爺,有名你叫。
香港,係賣左俾英國,然後再收番嘅賣仔。
香港人,要醒目D,中國香港,
中國行先,香港行後。

香港要聽中央話,特首同特區政府同民建聯嘅以中央為先嘅方向,我個人認為OK。

泛民口口聲聲要問阿爺攞民主,
阿爺唔俾住,阿爺做野好有原則,
(一句民智未開,不宜民主,問你死未;
再加一句深層次矛盾,你都有排搞啦。
睇下去到2046你地有無進步先。
記得要提高民智,同解決左D深層次矛盾先。)
中央先係話事人,
香港公社兩黨唔好不自量力玩變相公投。
聽下阿爺話,醒少少,要分莊閒,唔好無大無細,玩變相公投係無用嘅。
中央都可以同你玩釋法,
再唔係,你地搞事,勸唔聽,
如果他日你地失控,
去做D擾亂社會秩序安寧嘅遊行示威罷工罷課,累勸你地無效,
到時,中央話要坦克車入港,香港就玩完喇。
公社,你地收手啦。
(不喜勿插,拜託大家高台貴手)

***我只是想用從中央嘅角度,去睇公社玩變相公投呢單野,中央會點睇啫。(更可況,我都係口講無憑,齋UP當祕級,大家唔洗同我認真,唔同意的話,笑下就算,唔好插我,更加唔好撩我辯論,我無興趣同認為無必要去嘥時間同嘥氣嘥心機囉。)
(睇到呢到,公社人士,係咪想劈死我?
希望我估錯,你地唔會咁不理性嘅,
你地EQ同包容度可以好高好高好高嘅。)

貓頭鷹 說...

樓上位匿名既巴打(絲打?), 我對中央既認知同你有分別.
我個人黎講認同香港評論家陳雲既一句說話. "香港係以政治特權換取經濟特權". 亦即係話香港要同中央叫板, 同中央作對先有好下場.
我地黎睇下歷史, 當年中共未佔據中國, 佢建議民族自決以收賣人心, 但當國民黨敗走台灣後, 則強調國家統一. 再睇下澳門, 澳門"聽教聽話"既下場係咩? 就係海南島要開賭!
信中央, 聽中央話? 當中央真係願意為香港著想時我咪聽囉.

LinkWithin

Blog Widget by LinkWithin