2010年8月30日星期一

I don't know食鬆糕

記得小時候每當有人問我事情,但我又不知道答案時,我必定會說“I don't know,食鬆糕,又香又甜又發霉(毛)"。剛剛在網上看到,原來這句話有下聯的,就是“阿婆食左唔會老,阿哥食左變肥佬"。

小時候學過了很多「童謠」,誰教我的已記不起了,可能是小學的同學吧。除了以上的這首外,現在還記起的有:

大笨象,揸支槍,去打扙,打完扙,番嚟食碗辣椒醬。

童子軍,食雲吞,打爛碗,賠十蚊,冇錢賠,賠碌棍。

河邊有隻羊,羊邊有隻象,象邊有隻馬騮仔,好似你噉樣。

肥佬肥騰騰,買舊豬肉去拜神,行到半路屎忽痕,返到屋企瓜老襯。

氹氹轉,菊花圓,炒米餅,糯米團,阿媽叫我睇龍船,我唔睇,睇雞仔,雞仔大,拎去賣,賣得幾多錢?賣得三百錢。

如有其他,請留言給我好嗎?

&&&&&&&&

11 則留言:

黑人 說...

> 肥佬肥騰騰,買舊豬肉去拜神,行到半路屎忽痕,返到屋企瓜老襯。

我記得倪匡講過,呢句俾外省人學廣東話效果一流

Coffee 說...

>>月 光 光 , 照 地 堂 。 年 卅 晚 , 摘 檳 榔 。 檳 榔 香 , 摘 子 薑 。 子 薑 辣 , 買 蒲 達 ( 苦 瓜 ) 。 蒲 達 苦 , 買 豬 肚 。 豬 肚 肥 , 買 牛 皮 。 牛 皮 薄 , 買 菱 角 。 菱 角 尖 , 買 馬 鞭 。 馬 鞭 長 , 頂 屋 樑 。 屋 樑 高 , 買 張 刀 。 刀 切 菜 , 買 蘿 蓋 。 籮 蓋 圓 , 買 隻 船 。 … … 」

i.c. 說...

無糖,
呢首歌我每次聽都會想起好耐之前一部講殭屍的電視劇,楚原演殭屍既呢~ 好似仲有譚小環, 個陣細個, 又要看又要驚, 後來每次聽到首歌都心寒寒!

Coffee 說...

Ingrid︰

哈哈!有回憶!
咁俾多首你啦︰

落雨大,水浸街,阿哥擔柴上街賣,阿嫂上街著花鞋,花鞋花襪花腰帶,珍珠蝴蝶兩邊排。

bittermelon 說...

哈哈, 正^^

Terence Yun 說...

磨利力,磨利力,借刀殺人頭,由頭斬到尾,由尾斬到頭。
當時是玩包剪dup輸左,比人「芝」的刑罰。
現在想起,點解個歌詞咁鬼恐佈。

匿名 說...

菊花,菊花幾時開?
聽日開。
開得幾大朵?
開到天禁大朵。

Ebenezer 說...

哈哈,大家d童真番晒嚟喇!

匿名 說...

床前明月光,臨考讀天光,試場內睡覺,成績紅噹噹!

落街冇錢買麵包,靠賒我又怕被人鬧 。。。。。! 寄調“妝台秋思”即是“帝女花”。


the inner space

L L 說...

清明時節雨紛紛,路上行人俾鬼掹,借問香蕉何處有?屎坑浮起一條條。

另一首:

孔明借東風,一借就成功,曹操帶兵走,關公截路口,截到曹操無碇走,走入屎坑口,屎坑有陣風,唔走正龜公!

匿名 說...

穿手神拳,如來神掌,霹靂金鉸剪,武林第一劍,六指琴魔,鈎王鬼爪....猜贏你呀。

LinkWithin

Blog Widget by LinkWithin